Cher  Adam,

Mu ntangu tua kala Bana ba fioti, kingana kimosi tua telenge ku Ngungu, ye mpe nsidi vuvu vo  ku vilakene kioko : “Kinsumba, ka ki konduanga mu lambu ko”.  C’est vrai, Bisimbi bia Ngungu, tua kuma bonso bi nsumba. Tua muangana mu ma vata mawonsono ye mu nza ya mvimba. Quoi de plus normal pour qu’on retrouve des ngunguois à Luanda, car l’Angola et la RD Congo sont deux pays frères et amis que rien au monde ne pourra séparer. Nzombo, mpangi a Mundibu... San Salvador, mpangi a Mbanza Manteke, ye Mumboma... Nkumbu zeto zimosi, Tuvila tueto tumosi (Nsaku, Nzinga, Mpanzu, Ntumba Mvemba, Mfutila, Na Nkazi a Kongo, Mbamba Kalunga, Nbenza, Nkenge Elaü, etc...) . Beto ba wonsono, kuna Kongo tua tuka... Ma se meto, ye beto bana tua kinu kuelana... Nsinga mia nkalu, mia kinu zelangana ye tua kinu wutana. C'est parfois difficile de dire qui est qui ? Est ce que ntuadisi mia nsi zeto bazeye mambu momo ye lusansu lolo?

Mambu mawonsono, momo sonekene sur Mbanza Ngungu, vata diodio tua sansukila, ye di tu kumisi bobo tuna mu lumbu kia wunu, ma kieleka. Ka tulendi vilakana « Fondation » eto ko, même vo tua yenda ki sosela mu nzanza mia nkaka. Nani ka nua maza ma ku kusu kusu ko? Mu ntangu ya beto, nani ka yobela ku maza ma ku kikuta ko? Nani ka yenda dia manga ye mfilu ku Mfinda Noki ko evo kuenda sakana ku ndimba nsenga evo ku ndimba leta... Nani ka zaya Tata Mbuta Abbé Dinganga ko, ye nani wa vilakana Matoko Ziola, Meya Meya, Davra Davra, Ma Henriette Munganga, Ma Maria Tebo, Marie Weya, Niki, Ngibi, Daksel Ngielele, Mayento, A rien à faire, Kayanga, ...

Ngungu, Vata dia mpuenia mu ntangu ya beto dia kala bonso fi ville dia mindele, kadi Mfumu za OTRACO yi kuna ba zingidingi. Kua ba mpangi bobo ba vayika ntama ku Kongo, vata dia Mbanza Ngungu dia tomene nuna. Nzo zozo za ntama za tu tungila ma se ye zi ngudi zeto, yi zina kuani kaka. Nzo za kitoko zozo za tunga mindele mia Fualama kuna ville za mene kua nuna... Même kuna ISP, koko ngeye ye mono tua tangila, bi kalasi ye nzo za ba professeur za nunini, faute d'entretien... Kiadi ye nkenda. Tala mpila mpasi zina kuna vata dieto.

Nsaka za mfututu (football) zozo Mbuta Texas ka zaya, ka za sala bonso mu ntangu ya beto ko. Amicale ye Diables Rouges, bi équipes biobio bia tu zietesenge ntu, bia vila. GwaGwa ye Bilanga Matebo (Mikado) ba kinu, kansi nsaka ka za sala kuani ye prestige yoyo ya ntama ko...

Mbuta zayingi zozo tua zaya, ka basala diaka ko. Ba mana kuenda vunda kuawu. Mpasi fioti mu ku vana nkumbu za Ba Mpangi bobo bena kimoyo vana vata dieto. Mingizila mia yingi mita ki tunta kadi, bawu ba vingane vana vata dieto.

Mu fokola, Nsangu za Kiadi kaka za tu luakidi mu lumingu lu viokele, Mvula ya nene ya nokene mazuzi kuna Mbanza Ngungu. Nzo za yingi za buidi surtout kuna ndambu ya Misioni (MVILOTI). Bantu ba tanu ba zimbane...

Tu sidi vuvu vo Tison Nenkula ye ba mpangi bobo ba kuzeye, ba bakidi message miomio utufidisi.

Mu nkumbu ya bisimbi biawonsono, Mbote zeno beno bawonsono koko Ngola. Vo lumonane ye Mpangi a Nkueno, Edo Waya Waya, mbote zawu zayingi...