Ngungu'ame !

               NTAMUWA ( Poème)

                NGUNGU’AME 

                   Ngu ! Ngu ! Ngu ! Ngu !

                   Ngu, oh Ngungu, Ngungu.

                   Ikuzolele, Nge Mbanza

                   Mu nge yabutukila

                   Yayiza tunga mu nge, Mbanza

                   Mu nge yalongokela.

                   Yakusola mu zinga mu Nza

                   Ye wantambula mu kisalu

                   Matondo maku mu mabanza

                   Masika  ikuvene.

                   Mono mpe bika yakutomisa

                   Kadi n’tomisi a makanda

                   N’talu a zizi walosa

                   Wena vundulu ye vanda.

                   Yakutina, vueza ye levola

                   Mpeleko mu nge nkumbu’ame

                   Nsezi wantete mu nge yatala

                   Ikubanzidi diaka, Oh S’ame.

                   N’toni, m’fuasi, m’bungi aku

                   Do , undoloka mu mbi

                   Kadi luzolo luame buabu

                   Kutungulula

                   Ntombokolo ye ntomosono aku.

                  Yayenda, yakusisa ye vilakana

                  Mvutukidi  mu kutomisa

                  Kua n’tama evo lukufi, kutu wa

                  Muinda ewu

                  Wa i muinda wa waku muana.

                  Ngu ! Ngu ! Ngu ! Ngu !

                  Ngu, Oh Ngungu, Ngungu !

                  Mono i ntomoso aku

                  Mono i ntemo aku                                                                          

                  Ndefi’ame mu nge Ngungu

                  Tubunda mpandu,kavambula ko.

               Sé/ Atou MATUBUANA NKULUKI