Ba nani ba zeye lusansu lua Mbanza Ngungu ?

28.11.2009

Ba nani ba zeye lusansu lua

Mbanza Ngungu ?

Mu ngolo za Tata Nzambi, nvangi a nsi ye nvangi a zulu, tu vutudi matondo mu kikesa kiokio ka tuvene mu kisalu kia nene tu yantikidi mu lumbu kia wunu. Kisalu kiki, kina bonso fongo dia Bana ba Mbanza Ngungu, mpasi tua meka mu sobazana ngindu, mu mambu matadidi lusansu lua vata dieto. Beto bawonsono, tuzeye vo konso Vata, konso Ziunga, ki vuidi bi kadilu evo bifu biani biobio bina bonso sinsu bi zayakene kua ntangu ye ngonda. Mbanza Ngungu, vata dia kimfumu dia yalua kua mpala za mpu, vata dia nene mu ziunga kia Cataractes, dina bonso sina kia beto. Matoko ye zi ndumba, bana ba Mbanza Ngungu, ba sansukidi mu ntoto a Bandibu, bavuidi lulendo lua bidi. Ka ba zolanga sakananua ko. Bawu bakibokelelanga vo : Bisimbi. Kansi e nsasa ya nkumbu yoyo, ka bazeye yo kuawu ko. Bana ba Ngungu Ville bazeye toma ki tunta, ki kundidika ye bembola « mingizila », bobo ka bazeye lusansu lua vata diawu ko.

Widi :

Ngungu, Vata dia masawu vua,

Ngungu, Vata dia kangamana Ngunza.

Yi kuna ma kangamana,

Yi kuna mpe ma kutukila...

Mingizila mia bidi, mu ntangu beta ku batela mpova zozo, wonga wa bidi wu ku baluakilanga mu ntima miawu. Konso diambu ye ntangu ani. Bu kina vo ntemo wa yiza mu nza, tu sosa tua katula tombe kiokio mu luzingu ye mavangu meto. Mu ntangu tueta kota mu kati kia nsamu ye yantika kisalu kia sobasana ngindu zi tadidi ki nkulu kia vata dieto, tu lombele kua konso kia Simbi kia Ngungu kiokio kina ye luzolo, ntona ye vo nduenga, ka lenda kuani kutu zibula meso ye ku tufula makutu. Ka kota mu mbangu, mu ku tusasila masuekamu momo. Kua beno ba Ntu miampu mia Mbanza-Ngungu, beno vo: ki mfwa mfwa, ki mpinga mpinga. Bana beno ba zolele bazaya lusansu lua vata diawu.

Fua kua nsi ye toma kua nsi, va moko ma beto mosi kuna.

Nki tu lenda vanga mu kotesa ntemo, ngemba ye luvuvamu va Vata dieto.

Bika konso kua muntu kazaya lusansu luani.

Tu zibula ntima mieto.

Muana wa vita ku nkoko, ka nuanga maza ma nvunzu ko.

Matuka kua beno, meza kua beto.

http://data0.eklablog.net/ngunguville/mod_article830472_3.jpg